Сагдат Булебаев - ДАТ

Топан су басып жатқан да халық
Тұншығып суға батқан да халық,
Елдің басына күн туған сәтте,
Етігін киіп шапқан да халық.
Көмекке шауып келген де халық,
Сынақты бірге жеңгенде халық,
Баспанасынан айырылған елге,
Бір бөлмесінен бір орын тауып,
Жанашыр болып берген де халық!

Топан су жерді талап келеді,
Сынатын сынақ - сағат келеді,
Мұңайма әлі, Құдайға бәрі,
Жауап береді, жауап береді.
Қасқырдай қазақ - жортуы бөлек,
Ашынған елдің толқуы кенет,
Сулардан емес, қара халықтың,
Көз жастарынан қорқуы керек.